හිතම හිරි වට්ටා .......

සන්තාන ගීතය

හිතක් මෙලෙසින් සැලෙන්නේ
                                නුඹව සිහිවන නිසාදෝ
දෙනෙත් මෙලෙසින් තැවනේනේ
                           දකින්නට ලඟ නැති නිසාදෝ               
හදක් මෙලෙසින් හඬන්නේ
                                වදන් ගොලු වූ නිසාදෝ
දුකක් මෙලෙසින් දැනෙන්නේ  
                              නුඹට මා පෙම් කළාදෝ

හදවත

කහ ඉර ලඟදි අහම්බෙන්
හමුවුනා මගෙ හදවත
කොහොමද උඹට
සෑහෙන කාලෙකින් නේද මචන්
මම නැතිව දුකක් දැනුනෙ නැද්ද
නෑ මට දුකක් දැනුනෙ නෑ
අඩුම තරමෙ මාව
මතක් උනේ නැද්ද උඹට 
නෑ මට මතක් උනේ නෑ
ඇත්තමද ඔය කියන්නෙ
ඔවු ඇත්ත
මම යනව
උඹ නම් මහ හදවතක් නැති මනුස්සයෙක්
හා හොඳයි පරිස්සමින් ඉන්න

සමුදෙනු මැනවි සොඳුර

ශත වර්ශය ගෙවී අවසන්ය
ප්‍රේමයේ පාංසුකූලය නොදීම
නුඹ තවමත් හඬන්නේ මන්ද
අමතකද අතීතය දවසකදි
මිහිදන් කල සැටි අපදෙදෙන
මෙතෙකැයි කියා කියාගන්නට බැරි
කලාතුරකින් හමුවූ ප්‍රේමය
රිදුම් දෙද්දී මහපොලව
නුඹ හැරගියා නොවෙද
පරිත්‍යාගයක් බව දැන දැන ගහකොල
පවා වචනයක් නොකියූ
ගෞරවය රකිනු මැනවි සදා කල්හිම
ඉතින් සමුදෙනු මැනවි සොඳුර
දැන් නිදන්නට අහිංසක ප්‍රේමයට

සොඳුර නුඹ දන්නවාද

 

 

 

සොඳුර නුඹ දන්නවාද
පල්ලියේ කඩේලඟ
මල් වැලක් ගෙන ඇවිත්
නුඹේ හිසපළදින්න
මා පෙරුම් පිරූවග
හිනහුනා නුඹ එවිට
දෙමලදැයි  ඇසුවාය

 

සොඳුර  නුඹ දන්නවාද
දකින්නට තහනම් කල
හීනයම මා දකින බව

තවම මා ආදරේ බව

එනව මං සත්තමයි අද රෑට

 


මං නුඹට ඇවසි බැව්
නොදනිමියි මා තවම
හිත  රිදෙන හසුන් පත්
එක දිගට එවුවාට
කප්පරක් දුක් කඳුලු
දැනෙවා මේ හිතට
ලඟ ඉන්න සනසන්න
නෙත කඳුලු පිසලන්න
හිත දුවන් එනවා
සත්තමයි අද රෑට
අයිතයක් නැති බැවින්
ලෝකයෙන් සැඟවෙන්න
උත්තරත් හොයාගෙන
එනව මං
සත්තමයි අද රෑට

මොනාලිසා

 

  

 

නොවැටහුනා විය හැකිය එය
සිනහවද කඳුලද යන වග
ඩාවින්සිට එදවස නුඹගේ
නමුත් දනිමි අද නිසැකවම
නුඹ හඬන බව

..............!